منتدى مصر القديمة Toutankharton / قصة القروي الفصيح

منتدى مصر القديمة Toutankharton

ملتقى الناطقين باللغة العربية على Toutankharton

أنت لم تسجل دخول.

#1 2008-07-29 15:20:06

هالة
مستخدم
مسجل: 2008-06-12
المداخلات: 18

قصة القروي الفصيح

السلام عليكم

قصة القروي الفصيح او شكاوي الفلاح الفصيح ... سموها زي ماتسموها المهم المضمون
القصة طبعا مش واقعة حقيقية لكن الفها اديب عاش احداث العصر الاهناسي من عصر الانتقال الاول... فالقصة بتعبر عن الواقع المؤلم في الوقت ده رغم ان النسخة اللي هحكي منها هي تقريبا من الاسرة 12 او 11

تحكي القصة عن فلاح بسيط من وادي النطرون اسمه خوان انبو او خو ان انوب.... ومعناه المحمل من قبل انوبيس
الفلاح او القروي البسيط ده متزوج ويعول... وفي مرة اخد الحمير بتاعته والقمح والعديد من منتجات وادي النطرون بعد ما ترك من القمح جزء لاولاده وزوجته وتوجه الى اهناسيا العاصمة لكي يقايض بضاعته بمنتجات اخرى

وهو في طريقه كان لازم يمر من جنب ضيعة(ارض زراعية) صاحبها اسمه رنزي بن مرو ويشرف عليها واحد اسمه تحوت نخت
واوضح ان رنزي بن مرو ده كان راجل مسئول يعني زي كبير القضاة مثلا اما تحوت نخت ده كان راجل طماع وجشع ومثال سئ لموظفي العصر ده حيث يستغل الفقراء ويحقرهم

المهم الراجل ده اللي اسمه تحوت نخت شاف من بعيد القروي وهو جاي ببضاعته فقال في نفسه يا سلام لو اقدر اخد البضاعة دي لنفسي وفكر وقال لخادمه ان يذهب الى المنزل ويحضر له قطعة قماش وكان ما طلب ففرد القماش على الطريق اللي هيعدي منه الفلاح والطريق كان من جنب نهر ومن الناحية التانية ارض رنزي بن مرو والمشرف على الارض تحوت نخت فرد القماش ومابقاش الا حاجة بسيطة اوي للفلاح يعدي من عليها لكن في الحقيقة هي ماتكفيش!


المهم الفلاح جاي معدي راح تحوت نخت حزروه لحسن يدوس على القماش فالفلاح الطيب قاله ماتخفش انا هعدي من على الجسر(الجزء الفاضي) واثناء حديثهم احد الحمير اخد قضمة من القمح
فراح تحوت نخت انتهز الفرصة و قاله انت مش عارف دي ارض مين ... دي ارض رنزي بن مرو... وانا هاخد حمارك ده عشان هو اخد قضمة من القمح اللي هو مش بتاعه... الفلاح اعترض ووسط جدال ودفاع من الفلاح عن نفسه قام الراجل تحوت نخت الشرير اخد البضاعة وضرب الفلاح والفلاح اخذ في البكاء.

بعد فترة راح الفلاح لرنزي بن مرو صاحب الضيعة عشان يشتكيله فلقاه بيركب القارب بتاع القضاة تقريبا ورايح البيت فقاله بأدب وبفصاحة انه عنده شكوى وعاوز بعد اذنه يبعتله غلام من عنده عشان يسمع شكواه وينقلها له .... وكان ما طلب
وبعد ان استلم الشكوى رنزي عرضها على المجلس ليجمع الاراء لكن للأسف كان اعضاء المجلس من اصحاب تحوت نخت ... واخدين رشوة ممكن ... افهموها زي ماتفهموها فقعدوا يصغروا من شأن الفلاح وشكواه ... فسكت رنزي ولكنه لا يزال غير مقتنعا!


المهم صاحبنا الفلاح يا عيني لما لقى شوية تطنيش بدا بكتابة اولى شكاواه وهي واحدة من اصل تسعة ... وكانت شكاواه كلها تحث على العدل والمساواة والايمان بالله والحساب في الاخرة... وكانت شكاواة تفيض بفصاحة ...وكما كان يمدح رنزي حينا فقد كان ينقضه ويعنفه حينا.. فقد جاءت الشكاوي برأيي مؤثرة جدا جدا لأنها شكاوي يا جماعة ... يعني ناتجة عن الم شديد جدا ...تخيلوا حزن هذا الفلاح البسيط على شوية منتجات بسيطة .. وحمير!.. لكن هذة البضاعة والتجارة البسيطة هي عماد حياته وهو رجل عنده مبدأ ولا يتوانى في طلب حقه مهما كان ... فقد ظل يشكو يشكو حتى اخذ حقه .. ولم يبهره مااغدق عليه به الملك في النهاية ... فاهم شئ عنده كان حميره وبضاعته... هذا ما نفهمه... ما ضاع حق مطالب!

المهم الفلاح بعد ما اشتكى الشكوى الاولى وصاغها بفصاحة شديد ووصلت الشكوى لرنزي.. اعجب بها جدا من فصاحتها فذهب للملك الذي يبدو لنا محبا للأدب والفصاحة فما ان يسمع عذوبة وفصاحة الشكوى.. اذا به يأمر بأن يظل رنزي يهمل الفلاح ولا يرد له حقه حتى يقول شكاوى اكثر بفصاحة وعذوبة ... ولكن يقدم له الطعام  ويرسل لأولاده ايضا الطعام دون ابلاغه ان هذا من عند رنزي او الملك حتى يفيض فصاحة.

وحقا كلما زاد الشعور بالم والظلم كلما زادت الفصاحة والنقض... وبعد ان وصلت الشكاوي تسعا هدد الفلاح بأنه سيذهب ليشتكي لأنوبيس في الشكوى التاسعة (اي يدعو عليه ربما) فامر الملك بأن يحضر الفلاح ... فعندما رأى الفلاح الحراس جاءوا ليأخذوه دب في قلبه الرعب خوفا فقد تطاول واظهر سيئات الملك ورنزي بن مرو ... فربما سيلقى مصيرا صعبا لتطاوله... ولكنهم هدأوه

وعندما وصل للملك الذي كان قد امر بتسجيل كل شكاوى الفلاح اول باول حتى يقرأها... اثنى على فصاحته  وعرف القروي الحقيقة وامر رنزي بتفويض من الملك  ان يؤتى باولاده وزوجته ليسكنوا في العاصمة وان ترد له بضاعته وان يأخذ جميع املاك تحوت نخت ويسجن تحوت نخت لجشعه.

غير متواجد

 

#2 2008-07-29 22:20:44

ليلى القاهرة
هاوي مصريات
مسجل: 2008-07-28
المداخلات: 94

Re: قصة القروي الفصيح

ششكرا اخت هالة
حلوة ودائما القصص هي بتكون مشحنة بروحية عصرها ومنها تفهمي بعض طبائع العصر...وحيث أن الروح في في تطور مستمر يعني القصة هي ممكن في زمن اخر تروى بشكل ىخر ..وبمكان اخر ممكن ان تروى بشكل اخر يناسب تطور روح اهل المكان والزمان....زي قصة اعور الدجال مذكورة في الحضارات بأشكال مختلفة وفي الأديان بأشكال مختلفة تناسب عقول أهل هذه الحضارات وعقول أهل كل دين....يعني تجميع كل الأشكال يعطيك المطلوب...تصوري هوميروس الأعمى كتب عن أعور الدجال بالاوذيسة .

غير متواجد

 

#3 2008-07-30 00:14:58

حتب حرس
مشرف
من: ام الدنيا
مسجل: 2008-03-29
المداخلات: 220

Re: قصة القروي الفصيح

شكرا لكى هاله على القصه
وعرضها بطريقه سهله ومبسطه
وان كنت اعتقد ان هذه القصه واقعيه كانت احداثها فى هذه الفتره المضطربه من تاريخ مصر

http://bravo-shabty.tripod.com/hkyat.htm

هذا الرابط يوضح نص بعض الشكاوى التى كتبها القروى الفصيح


مصر الحضارة

غير متواجد

 

#4 2008-07-30 14:57:22

فجر الإمارات
عضو جديد
مسجل: 2008-06-24
المداخلات: 9

Re: قصة القروي الفصيح

ألف شكر لك اختي هالة القروي الفصيح حلوةجداً
هه وليك مليون شكر يا انسة ليلى القاهرة مداخلتك جيدة جداً وحقاً هكذا تكون قصص القدماء ونا شفت فيلم الأوذيسة بتاع أوديسيوس وشفت ازاي بيطلع الرجل الأعور وبينتصر عليه اوديسيوس كان فيلم مشوق تاريخي بنكهة سينمائية حلوة جدا.
الأخ حتب حرس اعتقادك الخيالي بكون القصة واقعية مش بمحلو واي دخل الأحداث والاضطرابات بواقعية القصص دي ! أنا شايفاها تسجيل لعلم الحكمة بطريقة ذكية ونقد اجتماعي ؟

غير متواجد

 

#5 2008-07-30 17:29:47

هالة
مستخدم
مسجل: 2008-06-12
المداخلات: 18

Re: قصة القروي الفصيح

مرسي اوي للردود والمتابعة الكثر من رائعة من اخواتي العزيزات
بس هي فعلا بتعبر عن الواقع ... لكن احداثها غير واقعية انا طبعا ما بعتقدش ده من خيالي لكن انا فعلا قرأت ده في كتاب بس مش فاكرة اسمه ولا اسم المؤلف
وعاوزة اقولك يا ليلى ان فعلا القصة بتتكتب بكذا شكل يعني الاحداث ممكن نلاقيها بتتصعد في كل نسخة احدث والقصة دي اللي انا حكيتها العلماء ماجابوهاش كدة متجمعة من نسخة واحدة ... بل على مااذكر اربع نسخ لان طبعا عوامل الزمن بتأثر على البردية المكتوب عليها القصة
واعود ل حتب حرس تاني عشان الموقع ... هو جميل بس الشكاوي مش كاملة وهم تسعة مش خمسة
وللأخت فجر الامارات اشكرك بشدة وانا فعلا معاكي القصة جميلة جدا

غير متواجد

 

#6 2008-07-30 22:36:00

حتب حرس
مشرف
من: ام الدنيا
مسجل: 2008-03-29
المداخلات: 220

Re: قصة القروي الفصيح

شكرا ليكى يا هاله

انا قولت انه نص لبعض الشكاوى وجدتها منسقه وترجمنها اقرب الى الصحيح

وجارى البحث عن باقى الشكاوى بالترجمه الصحيحه


مصر الحضارة

غير متواجد

 

#7 2008-07-30 22:56:24

فجر الإمارات
عضو جديد
مسجل: 2008-06-24
المداخلات: 9

Re: قصة القروي الفصيح

اهلاً بيك هالة أنا كمان شقت ان الموقع ناقص بعض البرديات معرفش ازاي الأخ أو الأخت حتب حرس وضغتها ناقصة ؟

غير متواجد

 

#8 2009-04-08 07:03:31

عبدالله محمد الحسينى
عضو جديد
مسجل: 2009-04-08
المداخلات: 4

Re: قصة القروي الفصيح

هل يوجد بردية بريس او بردية تورين

غير متواجد

 

#9 2009-04-08 07:04:59

عبدالله محمد الحسينى
عضو جديد
مسجل: 2009-04-08
المداخلات: 4

Re: قصة القروي الفصيح

مفيش مشكلة انا نسيت اقول صباح الخير الاول
ا

غير متواجد

 

#10 2009-04-08 07:06:30

عبدالله محمد الحسينى
عضو جديد
مسجل: 2009-04-08
المداخلات: 4

Re: قصة القروي الفصيح

انا بس كنت محتاج بردية بريس او تورين او نبذة قصيرة عنها لانى عندى بحث اوكى او حتى تضع موقع لها بالانجليزى ممكن

غير متواجد

 

#11 2009-04-08 11:17:26

آمون
Administrator
من: تونس
مسجل: 2006-05-22
المداخلات: 980

Re: قصة القروي الفصيح

ساحاول ان امدك بما تبحث عنه و اهلا و مرحبا بك

غير متواجد

 

تزييل الصفحة

Powered by PunBB
© Copyright 2002–2005 Rickard Andersson